Við erum Pastel
Pastel Blómastúdíó hófst sem tilraunaverkefni á Instagram í lok árs 2018 þar sem við stofnendurnir, Elín Jóhannsdóttir og Sigrún Guðmundsdóttir, höfðum það að markmiði að brjóta upp hugmyndina um hefðbundna blómabúð og blómaskreytingar.
Við héldum pop-up markað í Granda Mathöll í febrúar 2019 og eftir það var ekki aftur snúið. Síðan þá höfum við unnið með fjölda einstaklinga og fyrirtækja að ólíkum verkefnum. Við trúum á að leyfa innsæinu að ráða för í sköpunarferlinu og hver blómvöndur og skreyting er einstök.
Elín Jóhannsdóttir og Sigrún Guðmundsdóttir.
Blómastúdíó og verslun
Verslunin okkar og vinnustofa er til húsa í kjallaranum á Hverfisgötu 50. Á opnunartíma fim-lau seljum við fersk blóm sem við sérveljum inn í hverri viku. Þá eigum við til mismunandi búnt af blómum eftir árstíma og samsetta vendi. Auk þess eigum við alltaf til þurrkuðu samsettu vendina okkar.
Í stúdíóinu sinnum við alls konar verkefnum og hvetjum þig til að setja þig í samband við okkur ef það er eitthvað sem við getum aðstoðað þig með.